Kórskóli Elínar: Nýtt námskeið

Nýtt 8 vikna námskeið hefst í Kórskóla Elínar (staðsettur í Sunnlenska bókakaffinu) laugardaginn 9. janúar. Námskeiðið er ætlað börnum á aldrinum 6 - 7 ára, en kennt verður frá kl. 10:30 - 11:20 á laugardögum. Verð 6.500 og veittur er 10% afsláttur fyrir systkini. Skráning og nánari upplýsingar í síma 694 3874 eða sendið póst á netfangið [e-mail]

Arnaldur og aðrir sem ég hef lesið...

Ég var að ljúka við Svörtuloft Arnalds Indriðasonar. Ég tók mér frí frá Arnaldi í fyrra og má segja að ég hafi komið nokkuð fersk að honum í ár. Í Svörtuloftum er lögreglumaðurinn Sigurður Óli í aðalhlutverki og rannsakar hann fólskulega árás á konu. Sú rannsókn leiðir hann inní peningageirann, en bókin gerist á góðæristímanum. Allir eru að græða og allir eru að flýta sér á óskaplega mikilvæga fundi. Aðal skúrkarnir í bókinni hafa gengið græðginni á hönd og má segja að gróðafíknin leiki þá að lokum mjög grátt. Arnaldur er oft með hliðarsögur í sínum bókum og svo er einnig í þessari bók. Sú saga er mjög sársaukafull og átti ég oft erfitt með að lesa þá kafla. Þessi nýjasti krimmi Arnaldar heldur manni því alveg við efnið þó á stundum finnist mér full mikill prédikunartónn í umfjöllun hans um góðærið. Sigurður Óli er líka maður sem ég hef ekki mikinn áhuga á að umgangast dags daglega! Hann er ekki alveg mín týpa!

Aðrar nýjar bækur sem ég hef lesið núna á þessu hausti er bókin Málavextir eftir Kate Atkinsson. Sú bók er spennusaga eins og Svörtuloft en af allt öðrum toga. Því þótt bókin sé spennusaga fjallar hún að mínu viti mest um missi og sorg. Sorgin getur birst okku í ýmsum myndum, t.d. við skilnað. Ef manneskjan gengur sorginni á hönd getur hún líka staðnað, á endanum þurfa flestir að sætta sig við lífið eins og það er og halda áfram.
Margar ljóðabækur hafa komið út í haust og hef ég lesið nokkrar þeirra. Komin til að vera nóttin eftir Ingunni Snædal, Nokkur orð um kulnun sólar eftir Gyrði Elíasson eru ótrúlega heillandi bækur og Hundgá úr annarri sveit eftir Eyþór Árnason er einnig góð. Öll og þó einkum Gyrðir og Ingunn hafa mjög góð tök á íslensku máli. Og melakólían í bók Gyrðis seiðir mann til sín og það sem hefur alltaf heillað mig við ljóð Ingunnar er hvað hún er blátt áfram.

Melankólían sem ég talaði um áðan í ljóðum Gyrðis er líka til staðar í smásagnasafni hans Milli trjánna. Sögurnar hans í þeirri bók eru stundum eins og svart hvítar kyrralífsmyndir og ef eitthvað er í lit fer það ekki fram hjá manni. Einkar heillandi sögur, oft meira um það sem kraumar undir niðri en það sem er á yfirboðinu. Ég las reyndar einnig snemma á þessu hausti smásagnasafn Þórarinn Eldjárn sem ber heitið Alltaf sama sagan. Þær smásögur eru allt annars eðlis en smásögur Gyrðis. Þórarinn er eins og Gyrðir mikill stílisti og húmorinn hjá honum er oft óborganlegur. Ég læt þetta duga um bækur í bil. Nóg er eftir að lesa, um 700 titlar hafa komið út á árinu.

Gleðileg bókajól. Elín

Metsölulistinn frá 2. des. - 8. des. 2009

Metöslulisti 2. des - 8. des. 2009

1. Svo skal dansa - höf. Bjarni Harðarson - útg. Veröld (1.)
2. Ný von að morgni - Ólafur Helgi Kjartansson - útg. Vestfirska (8.)
3. Þá verð ég farinn - höf. Hafliði Magnússon - útg. Vestfirska (aftur inn)
4. Galdrasteinninn - höf. Harpa Dís Hákonardóttir - útg. Salka (ný)
5. Sagnabrot Helga í Hólum - höf. Helgi Ívarsson - útg. Sunnlenska bókaútgáfan (2.)
6. Útkall við Látrabjarg - höf. Óttar Sveinsson - útg. Útkall ehf (ný)
7. Harmleikur í Héðinsfirði - höf. Margrét Þóra Þórsdóttir - útg. Tindur (ný)
8. Almanak HÍ 2010 - / - Háskólaútgáfan (ný)
9. Ef væri ég söngvari - höf. Ragnheiður Gestdóttir myndskreytti og valdi- útg. MM (aftur inn)
10. Þvílík vika - höf. Guðmundur Brynjólfsson - útg. Vaka Helgafell (ný)

Metsölulistinn frá 25. nóv. - 1. des. 2009

Metsöluslisti frá 25.11 – 1.12 2009

1. Svo skal dansa - höf. Bjarna Harðarson - útg. Veröld (1.)

2. Sagnabrot Helga í Hólum - höf. Helgi Ívarsson - útg. Sunnlenska bókaútgáfan (5.)

3. Fjallakúnstner segir frá - Pjetur Hafstein Lárusson skráði- útg. Skrudda (ný)

4. Hjartsláttur – höf. Hjálmar Jónsson - útg. Veröld (2.)

5. Svörtuloft - höf. Arnaldur Indriðason - útg. MM (aftur inn)

6. ...og svo kom Ferguson - höf. Bjarni Guðmundsson - útg. Uppheimar (ný)

7. Vökulok- höf. Guðjón Ólafsson – útg. Sögufélag Árnesinga (6.)

8. Ný von að morgni – höf. Ólafur Helgi Kjartansson– útg. Vestfirska forlagið (ný)

9. Börnin syngja jólalög – höf. Ólafur Gaukur valdi – útg. Setberg (ný)

10. Snorri - höf. Óskar Guðmundsson - útg. JPV (aftur inn)

Unglingabækur og æviminningar á upplestrarkvöldi

Fimmtudaginn 3. desember kl. 20:30, mun verðlaunahöfundurinn Guðmundur Brynjólfsson lesa úr bók sinni Þvílík vika. Hin 16 ára Harpa Dís Hákonardóttir les úr sinni fyrstu bók sem nefnist Galdrasteinninn. Anna Ó. Björnsson les úr æviminningum Elfu Gísla og Finnbogi Hermannsson lýkur svo upplestrinum á því að lesa úr bóknni Í fótspor afa míns. Seldar verða kaffiveitingar og bækur höfundanna sem lesa eru á góðum afslætti þetta kvöld. Aðgangur er ókeypis, en upplestrarkvöldin eru styrkt af Menningarráði Suðurlands.

Nýr metsölulisti!

Metsöluslisti frá 18.11 – 24.11 2009

1. Svo skal dansa - höf. Bjarna Harðarson – útg. Veröld (2.)

2. Hjartsláttur – höf. Hjálmar Jónsson – útg. Veröld (ný)

3. Harmur englanna- höf. Jón Kalman Stefánsson – útg. Bjartur (ný)

4. Brot í bundnu máli - Bjarni Bjarnason - útg. Sunnlenska bókaútgáfan (ný)

5. Sagnabrot Helga í Hólum - höf. Helgi Ívarsson - útg. Sunnlenska bókaútgáfan (1.)

6. Vökulok - höf. Guðjón Ólafsson - Sögufélag Árnesinga (8.)

7. Sandvíkur - Skrudda - höf. P– útg. Hólar (ný)

8. Milli trjánna – höf. Gyrðir Elíasson – útg. Uppheimar (7.)

9. Góði elskhuginn– höf. Steinunn Sigurðardóttir – útg. Bjartur (ný)

10. Þá verð ég farinn – höf. Hafliði Magnússon – útg. Vestfirska forlagið (ný)

Metsölulisti frá 11. nóv. - 17. nóv. 2009

Metsöluslisti frá 11.11 – 17.11 2009

1. Sagnabrot Helga í Hólum - höf. Helgi Ívarsson - útg. Sunnlenska bókaútgáfan (1.)
2. Svo skal dansa - höf. Bjarna Harðarson – útg. Veröld (2.)
3. Lubbi finnur málbeinur – höf. Þóra Másd. og Eyrún Ísfold Gíslad. – útg. Mál og menning (6.)
4. Svörtuloft - höf. Arnaldur Indriðason – útg. Mál og menning (3.)
5. Enn er morgunn – höf. Bödvar Gudmundsson – útg. Uppheimar (8.)
6. Snorri – Óskar Gudmundss – útg. JPV (ný)
7. Milli trjánna – höf. Gyrdir Elíasson – útg. Uppheimar (aftur inn)
8. Vökulok – höf. Gudjón Ólafsson – útg. Sögufélag Árnesinga (ný)
9. Kardimommubærinn – Thorbjörn Egner – útg. Mál og menning (ný)
10. Ljómæli – höf. Jón Arason biskup – útg. JPV (ný)

Upplestrarkvöld í Sunnlenska bókakaffinu

Í kvöld, fimmtudaginn 19. nóvember kl. 20:30, munu Gyrðrir Elíasson og Jón Kalman Stefánsson les úr nýútkomnum bókum sínum. Gyrðir les úr nýju smásagnasafni sem ber nafnið Milli trjánna sem og úr nýrri ljóðabók sinni Nokkur orð um kulnun sólar. Jón Kalman les úr bókinni Harmur englanna en sú bók er framhald af bók hans Himnaríki og helvíti. Allar þessar bækur hafa hlotið gífurlega góða dóma. Aðgangur að upplestrinum er ókeypis.

Prjónakaffi

Hið sívinsæla Prjónakaffi verður í kvöld kl. 20. Þar mun Ágústa Þóra Jónsdóttir kynna bók sína Hlýjar hendur og Guðbjörg Runólfsdóttir serverar kaffi að vanda. Allir velkomnir.

Örstutt á Degi íslenskrar tungu

Í nýrri ljóðabók Gyrðis Elíassonar ,,Nokkur orð um kulnun sólar" er lítið ljóð um orðið lífsbaráttu. Það hljómar svona:

FAGNAÐAREFNI FYRIR
RITSTJÓRA ORÐABÓKA

Orðið lífsbarátta
hefur aftur
fengið merkingu

Vitanlega er höfundur hér að gera örlítið grín, en ljóðið vekur mann til umhugsunar um orð og merkingu þeirra. Merking orða getur breyst eftir því í hvaða samhengi þau eru sögð og jafnvel eftir því hver segir þau. Því á bak við orðin sem eru sögð eru tilfinningar þess sem talar og sá sem hlustar og nemur túlkar svo á sinn hátt. Mig minnir að Milan Kundera geri þetta að umfjöllunarefni í einum kafla í bók sinni ,,Óbærilegur léttleiki tilverunnar".

Njótið dagsins.

-eg