,,Vofa gengur nú ljósum logum um Evrópu"

,,Vofa gengur nú ljósum logum um Evrópu - vofa kommúnismans". Kommúnistaávarpið hefst á þessum orðum en mikill áhugi hefur verið á þeirri bók síðustu vikurnar. Aðrar bækur um þjóðfélagsmál hafa einnig verið vinsælar í haust og í vetur og má þar nefna bókina Múrbrot sem er greinasafn vinstrimanna, bók Óla Björns Kárason FL - Stoðir bresta og svo auðvitað Farsældar Frón sem er greinasafn eftir Bjarna Harðarson. Nýjasta bókin í þessum flokki er bók Björns Bjarnasonar dómsmálaráðherra og ber hún heitið ,,Hvað er Íslandi fyrir bestu?" og spurning hvort hann eða aðrir kunni svör við því.

-eg

Athugasemdir

[Jóhannes Ragnarsson, 17.1.2009 kl. 23:44]

,,Þýski hagsögufræðingurinn Werner Sombart komst einu sinni svo að orði, að Kommúnistaávarpið væri einstætt snilldarverk. Hann segir í riti sínu, Sozialismus und soziale Bewegung: ,,Kommúnistaávarpið er skrifað af töfrandi funa. Hugmyndaauður þess er nánast furðulegur, ekki síst þegar þess er gætt, að höfundarnir voru ungir menn, á þrítugs aldri. Ályktanir þeirra eru sprottnar af skyggnu mannviti. Svo hefur verið sagt, að Kommúnistaávarpið hafi að geyma allt, er menn vita um eðli ríkjandi þjóðfélags. Og í rauninni er þetta að nokkru leyti rétt - þótt alls staðar sé farið fljótt yfir sögu. En jafnvel þeir, sem hafa unnið áratugum saman að rannsókn félagslegra viðfangsefna, finna jafnan ný sannindi í Kommúnistaávarpinu"."

Þannig hefst ,,Aldarminning Kommúnistaávarpsins" eftir Sverri Kristjánsson, sagnfræðing.