Kórskóli fyrir káta krakka

Kórskóli fyrir börn fædd 2002 og 2003 ( í 1. og 2. bekk) verður starfræktur í Litla menningarsal Sunnlenska bókakaffisins. Kennt verður á laugardögum frá kl. 10: 30 - 11:30. Fyrsti tíminn verður laugardaginn 10. október og kennt verður til 12. desember, alls 10 skipti. Í skólanum munu börnin syngja lög sem þau þekkja og einnig læra ný lög. Auk þess að syngja verður unnið með takt og farið í hreyfileiki. Kjörorð námsins verður: Söngur, gleði, gaman. Kennari er Elín Gunnlaugsdóttir, tónskáld og tónlistarkennari, en hún hefur margra ára reynslu af kórstarfi með börnum. Námið kostar 7.500.- kr. Skráning er í síma 694 3874 og [e-mail]

Helgi í Hólum á bók

 

 

 

 

Sagnabrot Helga í Hólum heitir ein af jólabókunum í ár, gefin út af Sunnlensku bókaútgáfunni. Undanfarna daga höfum við tekið niður skráningar þeirra sem vilja fá bókina í áskrift og setja nafn sitt á lista til að heiðra minningu Helga, Tabula memoralis.

Það eru núna síðustu forvöð að setja nafn sitt þar inn og þeir sem hafa áhuga geta gert viðvart um netfang [e-mail] eða í síma 482 3079. Skráning á minningartöflu Helga kostar 3000 krónur og þá er bók innifalin.

Sagnabrot er um 160 síðna bók með úrvali úr skrifum Helga, yfirliti yfir verk hans og nafnaskrá.  Myndina hér að ofan tók Egill Bjarnason af Helga fyrr á þessu ári.

Vetraropnun

Um seinustu mánaðamót breyttist opnunartími Sunnlenska bókakaffisins. Opið verður í vetur frá kl. 12 - 18 alla daga vikunnar. Verið velkomin.