Engin ævisögujól!

(Bókablogg nr. XIIVIIIK) 

Ævisögur eru í uppáhaldi hjá bókaþjóðinni og öðru hverju koma út ævisögur sem seljast í fleiri þúsundunum eintaka sem er eitthvað sem skáldsögur, fræðibækur og ljóðabækur eiga enga möguleika á.

En jólin í ár eru ekki feit fyrir ævisöguunnendur og salan hlýtur því að dreifast á fleiri titla en oft. Af íslenskum ævisögum eru þeir Flosi og Hjálmar líklegastir til að seljast í sæmilegu upplagi og báðar bækurnar ágætar. Hvorug nær því þó að vera frábær og aukinheldur er Flosabókin einfaldlega endurútgáfa bókar sem kom út fyrir 27 árum. Af öðrum ævisögum sem gætu náð sæmilegri sölu má nefna Jón Bö, Gylfa Ægisson, Vigdísi og Jóni Leifs. Þá geta poppararnir Vilhjálmur, Papa-Jazz og Magnús Eiríksson allir ná sæmilegri sölu en engu flugi. En þetta var söluspá, næst ætla ég að blogga um það hvaða ævisögur eru bestar og hverjar eru ekki bestar.

Athugasemdir

[Kalli Sveinss. (IP-tala skráð) 7.12.2009 kl. 14:52]

Félagi Bjarni !

 Jón Bö .

 Hreint Bö - bö !

 Jón Leifs. - Ber af !

 Bókin um Jón Leifs er sem ævisögur eiga að vera.Lýsir skarplega, okkur mannanna börnum-  með alla okkar  kosti og galla !

Mæli með bókinni - keyptri hjá bóksala- ekki hjá dauðadæmdum stórmarkaði Bónus eða Hagkaups !!

 Allavega ekki hjá mönnum sem seldu landið sitt fyrir  - eitt þúsund milljarða - - Sú er skuld Bónus-feðga ! - Ótrúlegt en grátlega satt.

 Eða sem Rómverjar sögðu.: " Vendidit hic auro patriam" - þ.e."Seldu landið sitt fyrir auð " !!

[Sigurður Þór Guðjónsson, 7.12.2009 kl. 19:40]

Bókin um Jón er verulega góð, ekki síst vegna þess að þar er líka greining á list Jóns, en ekki bara ævi en slíkt er sjaldgæft í ævisögum um listamenn. En ég keypti bókina í Bónus af því að þar er hún ódýrust. Ég hef ekki efni á því að hafa hugsjónir.