Köld jörð (Cold Earth)

Ég hef nýverið lokið við lestur bókarinnar Cold Earth (2009), en höfundur hennar er Sarah Moss, kennari við Háskóla Íslands og Háskólann í Kent. Bókin fjallar um sex fornleifafræðinga sem fara til Grænlands til að rannsaka hvað varð um norrænu mennina sem bjuggu á Grænlandi fyrr á öldum. Af ýmsum ástæðum, sem ekki verða raktar hér, missir hópurinn sambandi við umheiminn og þegar líður að heimför hans lítur út fyrir að hann verði innlyksa í óbyggðum Grænlands. Hver og einn í hópnum skrifar því kveðjubréf til vina og vandamanna og eru þau bréf uppistaða bókarinnar.
Bókin fangaði mig strax frá fyrstu blaðsíðu, persónusköpun höfundar er sannfærandi og andrúmsloftið kuldalegt eins og við er að búast í sögu sem gerist fjarri öllum mannabyggðum á Grænlandi. Bókin hefur ekki verið þýdd yfir á íslensku, en vonandi gerist það einhvern tímann í náinni framtíð.

-eg