Þegar Stalín er bestur!

Í fyrra bókabloggi um ævisögur og sölu þeirra gleymdi ég alveg að minnast á bók Jóns Karls Helgasonar um Ragnar í Smára sem er vitaskuld ein besta bókin í ævisöguflokknum en ég hlýt samt að efast um að hún verði söluhæst ævisagna,- þó hún kannski eigi það skilið. Til þess er efnið orðið of fjarlægt og mér liggur við að segja sérviskulegt inni í nútímanum, - bloggaði reyndar hér fyrr um þessa bók, sjá http://bokakaffid.blog.is/blog/bokakaffid/entry/985559/

Önnur ævisaga sem vel ætti skilið að fara víða er stórvirki Óskars Guðmundssonar um Snorra en ég er samt ekki viss um að það gerist, til þess hefði bókin þurft jákvæðari dóma gagnrýndenda til þessa og hér er líkt og í verki Jóns Karls um að ræða bókarhlunk sem höfðar ekki endilega til alþýðu manna. Sjálfur á ég eftir að lesa Snorra og ætla mér að eiga það eftir til jólanna en get af stuttri skoðun fullyrt að fyrir alla Sturlungaaðdáendur er þetta skyldulesning.

Af íslenskum ævisögum er bók Árna Heimis Ingólfssonar líklega best heppnuð en þá fer ég líka að dæmi bókatíðindanna og flokka bók Vilborgar Davíðsdóttur um Auði sem skáldverk. Við þurfum reyndar ekkert að velta flokkuninni á Auði of mikið fyrir okkur - getum einfaldlega flokka hana sem eina af allrabestu bókum þessara jóla.

En besta ævisagan sem kemur út á íslensku er bók Montefiore um Stalín hinn unga í þýðingu Elínar Guðmundsdóttur. Ég las þessa bók á ensku síðasta vetur og get fullyrt að það er langt síðan jafn safarík og merkileg ævisaga hefur ratað á vindlaborðið mitt. Það er að vísu afar klaufalegt hjá Skruddu að auglýsa bók þessa sem bók um umdeildan stjórnmálamann,- Stalín er það ekki frekar en Hitler. Allir sem einhverja glóru hafa viðurkenna að báðir voru fyrst og fremst illmenni en líka miklir örlagavaldar í sögunni.

Athugasemdir

[Kalli Sveinss (IP-tala skráð) 8.12.2009 kl. 16:02]

Félagi Bjarni !

 Skylda á alla sagnfræði-fíkla að lesa fyrstu bók sagnfræðingsins Simon Segbeg-Montefiore - bókina "Catherine the Great and Potemkin".

 Mögnuð lesning !

 Gamall og snjall félagi " Kalla Sveinss" - sá afburða sagnfræðingur  og rithöfundur - reyndar og prófessor - Þór Whitehead -hafði lög að mæla , þá er hann kvatti " Kalla" til lesturs þeirrar bókar.

 Bók Árna Heimis um sérvitringinn - og frammúrstefnusnillinginn - Jón Leifs., er án allra efasemda - best heppnaða ævisagan fyrir þessi jól.

 Rituð nákvæmlega sem rita á ævisögur. Heill Heimi  !

 Hinsvegar var Jón Leifs., á köflum einstaklega " naiv" - líkt og margur maðurinn sem nær ekki að verða spámaður í eigin föðurlandi !

 Skynjaði ekki " undir-tóna" þriðja ríkisins - líkt og sumir í dag sem ekki skynja að Sovét-Ísland - óskalandið er við landfestar !

 " AÐEINS" 8 ráðherra - segi og skrifa átta ráherrar  -eru fyrrverandi félagar í Alþýðubandalaginu - áður Sameigingarflokki alþýðu -Sósíalistaflokknum - þar áður KOMMÚNISTAFLOKKI ÍSLANDS !!

 Þarf frekari vitnanna við ?? !!

 Nytsamir sakleysingjar  hverfa hinsvegar seint !!

[Birgir 'Olafsson (IP-tala skráð) 8.12.2009 kl. 21:38]

Er að lesa æfisögu Stalins. Finnst höfundurinn finna íllskunna full flótt eda eiginlega strax fæðingu. 'Eg á 10 mánuða barnabarnastrák og mamma hennar kvartar yfir hvað strákurinn er orðin bitgjarn nú þegar. Hjálpi oss öllum!